«ГАЗель» һәм җиңел машина бәрелешкәннән соң бер кеше һәлак булган, икесе хастаханәдә
Скопировать ссылку
Минзәлә районында ремонт эшләре бара торган юл участогында юл-транспорт һәлакәте булган.
Татарстан Дәүләт автоинспекциясе мәгълүматы буенча, «Лада Гранта» автомобиле уңга борыла торган «ГАЗель» белән бәрелешкән. Бәрелешүдән соң «ГАЗель» ян ягына ава, ә җиңел автомобиль кюветка төшкән.
Юл-транспорт һәлакәте аркасында «ГАЗель» пассажиры урында ук үлгән, җиңел машина йөртүчесе һәм пассажирын ашыгыч ярдәм машинасында алып киткәннәр.
