Газа секторындагы госпитальгә Израиль һөҗүме нәтиҗәсендә 800дән артык кеше һәлак булган

Скопировать ссылку

Кичә Израиль Хәрби һава көчләре Газа секторының үзәк районнарына берничә һөҗүм ясады. Бу хакта ТАСС хәбәр итә.

Агентлык мәгълүматлары буенча, ракеталар Әл-Әхли госпиталенә эләккән.

Al Arabiya телеканалы мәгълүматлары буенча, һәлак булучылар саны 800дән артып киткән, шуларның күбесе хатын-кызлар һәм балалар.

Һөҗүм күп кенә пациентлар урамда чиратта торганда булган.

Шартлаулардан күрше биналар зыян күргән, аларда да кешеләр һәлак булган.

Палестина җитәкчелеге бу вакыйгага бәйле рәвештә ашыгыч киңәшмә үткәрде.