Мәдәният 11 февраль 2018 15:27

Гаяз Исхакый фаразлаган Инкыйразга күпме вакыт калганын Интернетта белергә була

Социаль челтәрләрдә татар программисты, милли проектлар авторы Илдар Әюповның “Инкыйраз-таймеры” эшли башлады.

Скопировать ссылку

(Казан, 11 февраль, «Татар-информ», Рузилә Мөхәммәтова). Социаль челтәрләрдә татар программисты, милли проектлар авторы Илдар Әюповның “Инкыйраз-таймеры” эшли башлады. Проектның юрау чыганагы – Гаяз Исхакый. Әлеге вакытта http://teorius.ru/timer/ сылтамасы белән кереп карасак, инкыйразга 85 ел да 10 ай һәм берничә сәгать калганын күрербез.

Мәгълүмат өчен. Татар классик язучысы Гаяз Исхакый 1902 елда татар халкының киләчәге турында кайгыртып «Ике йөз елдан соң инкыйраз» исемле әсәрен иҗат итә.

Таймерны төрле кеше төрлечә кабул иткән. “Хатыным Айгөл “Куркыныч”, диде. Кичә “Акыл фабрикасы”нда әллә нинди кеше килеп: «Сез кешеләрне программалыштырасыз», дип битемә кычкырды”, - ди Илдар “Татар-информ” хәбәрчесенә. Ул әлеге проектны шаяртулы кисәтү, хәтта, шаяртып куркыту максатыннан эшләнүен әйтә. Илдар Әюпов үзе инкыйразга ышанмый.

Фотода Илдар Әюпов.

#Гаяз Исхакый #Илдар Әюпов

Сәхифәләр

Гаяз Исхакый фаразлаган Инкыйразга күпме вакыт калганын Интернетта белергә була