Мәдәният 1 декабрь 2017 15:11

Гай Таһиров иҗатын Россия галимнәре бәяли

Быел Татарстанның халык артисты, балетмейстер, педагог Гай Таһировка 110 ел тулды.

Скопировать ссылку

(Казан,1 декабрь, “Татар-информ”, Мөршидә Кыямова). 11 декабрьдә Татарстан Фәннәр академиясенең Г.Ибраһимов исемендәге Тел, әдәбият һәм сәнгать институтында Гай Таһировның тууына 110 ел тулуга багышланган Бөтенроссия фәнни-гамәли конференциясе булачак. Аның темасы - "Халык биюләре һәм хореографик сәнгать: традицияләре һәм бүгенгесе". Бу хакта "Татар-информ" мәгълүмат агетлыгы хәбәрчесенә Г.Ибраһимов исемендәге Тел, әдәбият һәм сәнгать институтының Театр һәм музыка бүлеге мөдире, сәнгать фәннәре кандидаты Эльмира Галимова хәбәр итте.

Конференциядә:

хореографик фольклорның актуаль проблемалары һәм аның сәхнә сәнгатендә гәүдәләнеше;
халык биюләренең этник үзенчәлекләре;
белем бирү һәм мәдәният контекстында профессиональ хореография;
фольклор биюләрен өйрәнеп тикшерүнең нәзари аспектлары;
аларны тормышка ашыруның гамәли формалары каралачак.

Шулай ук Таһиров мирасы, балет сәнгатендә, халык биюләрендә аның чагылышы, бүгенге хореографиядә традицион фольклор жанрын өйрәнү, саклау һәм үстерү проблемалары да тикшереләчәк.

Конференциядә Санкт-Петербург, Мәскәү, Анкара, Баку, Астана һ.б. шәһәрләрдән дә галимнәр килүе көтелә.

#Эльмира Галимова #гай таһиров

Сәхифәләр

Гай Таһиров иҗатын Россия галимнәре бәяли