Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Гәрәй Рәхим исемендәге конференция җиңүчеләрен бүләкләделәр
Татарстанның Халыклар дуслыгы йортында Гәрәй Рәхим исемендәге «Идел буе халыкларының тарихи һәм мәдәни әхлакый кыйммәтләре» төбәкара фәнни-тикшеренү конференциясе җиңүчеләрен бүләкләү тантанасы узды.
«Гәрәй Рәхим исемендәге фәнни-тикшеренү конференциясе узган елны шәһәр күләмендә, быел төбәкара күләмендә узды. Узган ел Гәрәй Рәхим шушы сәхнәдән эчтәлекле, мәгънәле чыгыш ясаган булса, кызганыч, быел бу чара аннан башка уза. Шунысы сөендерә, конференциядә катнашучылар саны артты. Укытучыларның һәм тәрбиячеләрнең актив катнашуы хөрмәткә лаек», — дип чыгыш ясады Казан шәһәре Башкарма комитетының мәгариф идарәсе башлыгы урынбасары Альберт Әхмәтов. Бу хакта Дуслык йортының мәгълүмат үзәге хәбәр итә.
Бүләкләү тантанасында конференциядә җиңү яулаган укытучылар һәм тәрбиячеләр, укучылар үзләре иҗат иткән шигырьләрне укыдылар, ТР Халык артисткасы Галина Казанцева җитәкчелегендәге «Айбагыр» керәшен ансамбле чыгыш ясады.
Оештыручылар сүзләренчә, быел конференциягә 6 секция буенча Татарстан, Башкортостан, Чувашия, Оренбург өлкәсе, Якутиядән 190нан артык эш килгән, шуларның 116сы финалга үткән. Аларга Рәхмәт хатлары тапшырылды.
Кызыклы яңалыкларны күзәтеп бару өчен Телеграм-каналга язылыгыз