Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Галимова: Умартачылык идарәсенең ябылуы төбәктәге умарталыкларга зыян китермәячәк
Татарстан Республикасы Министрлар Кабинеты карары нигезендә, республикада Аквакультура һәм умартачылык идарәсенең ябылуы төбәктәге умарталыкларга зыян китермәячәк. Бу мәсьәлә Татарстан Республикасы Авыл хуҗалыгы һәм азык-төлек министрлыгы контролендә. Татарстан Президентының матбугат хезмәте җитәкчесе Лилия Галимова бу хакта журналистлар белән очрашуда сөйләде.
«Бал кортлары яклаусыз калмый. Профильле тулы бер министрлык бар, ул бу мәсьәлә белән дә шөгыльләнә. Әлеге идарәне бетерү умартачылык белән бәйле хәлгә берничек тә йогынты ясамаячак. Бу структура министрлык функцияләрен кабатламасын өчен бетерелде», — дип аңлатты Галимова.
Моңа кадәр Татарстан Хөкүмәте «Татарстан Республикасы аквакультура һәм умартачылык идарәсе» дәүләт бюджет идарәсен бетерү турында карар кабул иткән иде. Документ нигезендә, ике атна дәвамында Татарстан Республикасы Авыл хуҗалыгы һәм азык-төлек министрлыгы ликвидация комиссиясен төзергә, учреждениене бетерү тәртибен һәм вакытын билгеләргә тиеш.
Кызыклы яңалыкларны күзәтеп бару өчен Телеграм-каналга язылыгыз