Лилия Галимова Уханьда пилотсыз таксины сынау турында сөйләде
ТР Рәисе матбугат хезмәте җитәкчесе Лилия Галимова Татарстан Рәисе Рөстәм Миңнехановның Кытайның Ухань шәһәренә сәфәре барышында пилотсыз такси технологиясен сынау турында сөйләде.
«Ухань - пилотсыз таксилар гамәлгә кертү буенча Кытайда лидер шәһәр. Бу хакта белгәч, технологияне зур шәһәр шартларында сынап карарга булдык», - дип язган Галимова үзенең MAX каналында.
«Ухань - салонда йөртүчедән башка роботаксины коммерцияле эксплуатацияләү рөхсәт ителгән Кытайның иң зур мегаполисы. Соңгы рәсми мәгълүматлар буенча, шәһәрдә 400дән артык роботакси эшли», - дип өстәде ТР Рәисе матбугат хезмәте җитәкчесе.
Татарстанда «Яндекс» пилотсыз автомобильләрен сынау буенча эксперимент 2018 елда Иннополиста республика җитәкчесе ярдәме белән башланган иде. IT-компаниянең пилотсыз автомобиле беренче тапкыр 2023 елның октябрендә Казанның иярчен-шәһәре территориясе буйлап салонда сынаучы-йөртүчедән башка гына хәрәкәт итте.