Галимова Миңнехановның кызыклы каска киеп төшкән фотосын күрсәтте
Скопировать ссылку
ТР Рәисенең матбугат хезмәте җитәкчесе Лилия Галимова Телеграм-каналында Рөстәм Миңнехановның Питрәч районына сәфәре вакытында төшерелгән фотосын күрсәтте.
Фотода Миңнеханов «Кулонэнергомаш» ҖЧҖ заводы җитештерә торган продукция белән таныша. Әлеге предприятие тимер-бетон эшләнмәләр заводлары һәм авыл хуҗалыгы тармагы өчен җайланмалар, корыч кою продукциясе һәм чуеннан әйберләр ясый, шулай ук газ, нефть, нефть химиясе һәм сәнәгатьнең башка тармаклары объектлары өчен җайланмалар проектлый һәм җыя.
ТР Рәисе башына «Мин яратам сине, Татарстан» дип язылган ак каска кигән.
«Минут саен Татарстан турында уйлаганда», – дип язган Галимова.