Рәсми Татарстан 19 гыйнвар 2022 13:38

Галимова: Җәмигъ мәчете төзелеше өчен мәйдан экспертиза нәтиҗәсе буенча билгеләнә

Казандагы җәмигъ мәчетенең төгәл генә кайда төзеләчәге барлык мөһим экспертизалар уздырылгач кына билгеләнәчәк.

Скопировать ссылку

(Казан, 19 гыйнвар, «Татар-информ», Егор Никитин). Казандагы Җәмигъ мәчетенең кайда төзеләчәге экспертиза нәтиҗәләре буенча билгеле булачак.

Казандагы Җәмигъ мәчетенең төгәл генә кайда төзеләчәге барлык мөһим экспертизалар уздырылгач кына билгеләнәчәк. Бу хакта Татарстан Республикасы Президентының матбугат хезмәте җитәкчесе Лилия Галимова брифингта сөйләде.

«Без күрсәтә торган төгәл генә нокта юк. Татарстан Республикасы Президенты әйтте — барысы да якынча Казансуның уң як ярында булачак. Әлеге билгесезлек иң элек башкарылырга тиешле эш белән бәйле. Сүз экологик экспертиза, шәһәр төзелеше экспертизасы турында, болар шәһәр төзелеше күзлегеннән караганда комплексның кайда урнашу мөмкинлеген аңлар өчен кирәк», — дип аңлатты Галимова.

Эксперт бәяләве процедурасы объект төзелешенең мөмкин булган һәрбер өлешендә уздырылачак, дип өстәде ул.

«Бары шуннан соң гына төзелешнең төгәл урыны турында ахыргы карар кабул ителәчәк», — дип йомгаклады Лилия Галимова.

Сәхифәләр

Галимова: Җәмигъ мәчете төзелеше өчен мәйдан экспертиза нәтиҗәсе буенча билгеләнә