Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Галимнәр: Алтын Урда төрбәләрен ниндидер «башкорт ханнары» белән бәйләргә нигез юк
Тарихчылар фикеренчә, Идел буе һәм Урал төбәкләрендә ачыкланган барлык төрбәләр XIII-XV гасырларда Алтын Урданың төрле төбәкләрендә булган күп санлы төрбәләргә охшаш.
![Галимнәр: Алтын Урда төрбәләрен ниндидер «башкорт ханнары» белән бәйләргә нигез юк](https://tatar-inform.tatar/images/uploads/b11083c2b0c62098388d1c05bd81dc6c.jpg)
Казан һәм Уфа галимнәре Алтын Урдадан калган төрбәләрнең башкорт ханнарына катнашы булмавын белдерә.
12 октябрьдә Чиләбе өлкәсе Варна авылында «Идел-Урал, Кырым һәм Казахстанның урта гасыр төрбәләре: тикшеренү проблемалары» дип аталган түгәрәк өстәл утырышы узган. Чарада Шиһабетдин Мәрҗани исемендәге Тарих институты галимнәре, Башкорт дәүләт педагогия университетының баш фәнни хезмәткәре Владимир Иванов, Россия Фәннәр академиясенең Уфа федераль тикшеренү үзәгенең кече фәнни хезмәткәре Алексей Нечвалода катнашкан.
Мәгълүмат өчен: Башкортстанда кайбер төрбәләрне мөтәгалимнәр (псевдоученые), алар, имеш, башкорт ханнарыныкы булган дип яза.
«Идел буе һәм Урал төбәкләрендә ачыкланган барлык төрбәләр XIII-XV гасырларда Алтын Урданың төрле төбәкләрендә булган күп санлы төрбәләргә охшаш. Аларның Алтын Урда мәдәниятенә хас бердәм стандарт буенча төзелүенә шик юк. Бу һәйкәлләр барысы да утрак мөселман цивилизациясенең бер өлеше булып тора. Төрбәләрне ниндидер билгесез башкорт ханнары белән бәйләргә һәм аларны XVI гасырга кертергә нигез юк», – диелә түгәрәк өстәл утырышы резолюциясендә.
Кызыклы яңалыкларны күзәтеп бару өчен Телеграм-каналга язылыгыз