Галим Нурмөхәммәт Хисамов белән бәхилләшү һәм аны җирләү урыны мәгълүм
Скопировать ссылку
Кичә, озакка сузылган авырудан соң, әдәбият галиме, шагыйрь, публицист һәм җәмәгать эшлеклесе Нурмөхәммәт Хисамовның вафаты турында хәбәр килеп иреште. Мәрхүмне иртәгә Казанның Шәмсир (Самосырово) торак пункты янындагы мөселман зиратында җирләячәкләр.
Бу хакта «Татар-информ» хәбәрчесенә Нурмөхәммәт Хисамовның улы Айваз Хисамов әйтте.
Соңгы юлга озату иртәгә сәгать 10.00 да Казанның Рихард Зорге урамында урнашкан 57/29 йорты (69 нчы фатир) адресы буенча оештырыла.
- Нурмөхәммәт Шаһвәли улы Хисамов 1937 елның 24 мартында Татарстанның Чүпрәле районы Мунчәли авылында умартачы гаиләсендә туа. Ул – Татарстанның атказанган фән эшлеклесе (1997), Халыкара төрки академиянең хакыйкый әгъзасы, шулай ук 2002-2005 елларда Татарстан Язучылар берлегенең кабул итү коллегиясендә әгъза булып тора. Н.Хисамов – 1984 елдан СССР (Татарстан) Язучылар берлеге әгъзасы.