Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Галим Мостафа Өнәр Төркиядә иң танылган татарларның исемнәрен атады
Аның сүзләренчә, Надир Дәүләт белән Илбер Ортайлы Россия белән Төркия арасындагы элемтәдә актив эш алып бара.
(Казан, 23 ноябрь, «Татар-информ», Зилә Мөбәрәкшина). Измир шәһәренең Эгей университеты профессоры Мостафа Өнәр Төркиядә иң танылган татарларның исемәрен атады. Бу хакта ул «Татар-информ» хәбәрчесенә КФУның Филология һәм мәдәниятара багланышлар институтында узган «Туган телләрне һәм мәдәниятләрне саклау һәм үстерү» VII Халыкара фәнни-гамәли форумында әйтте.
«Россия белән Төркия арасында ниндидер мөнәсәбәтләр булса, профессор, остазыбыз Надир Дәүләт телевизор экраннарында күрсәтелә, ул рәхәтләнеп рус, немец, инглиз телләрендә укый, яза, сөйләшә белә. Аның белән утыз ел дәвамында җыелышларда булдым. Ул Россия һәм Төркия арасындагы элемтәдә актив эшли», — диде ул.
Мостафа Өнәр икенче бер профессорны Илбер Ортайлыны атады. «Ул да татар нәселеннән. Алар Надир Дәүләт белән һәрвакыт татар телен, татар дөньясын Төркиядә пропагандалый. Үзем татар булмасам да, мин дә аларга кушылып, Төркиядә татар телен танытам», — диде галим.
«Безнең университетларда татар теленнән докторлык диссертацияләре яклыйлар. Минем аспирантларым татар телендә камил дәрәҗәдә сөйләшмәсәләр дә, татарча китаплар укый, диссертация яза. Бу хезмәт берничә ел дәвам итә. Бүгенге көндә татар яшьләре Истанбул университетында күбәя башлады. Без аларны телевизорлардан күрәбез, мактанабыз», — дип сөйләде Мостафа Өнәр.
Кызыклы яңалыкларны күзәтеп бару өчен Телеграм-каналга язылыгыз