Галимҗан Галимов быелгы “Татарча диктант”ның үзенчәлеге – тоталь булуында дип саный
Куратор акцияне оештыруда кыенлыклар булмавын белдерде.
(Казан, 1 декабрь, “Татар-информ”, Зилә Мөбәрәкшина). “Татарча диктант”та куратор булып катнашкан Галимҗан Галимов акциянең үзенчәлеге тоталь булуында дип атады. Бу хакта ул “Татар-информ” хәбәрчесенә хәбәр итте.
“Татарча диктант” акциясендә кыенлыклар булмады. Быел диктант регионнарга, төбәкләргә актив таралды, ул беренче тапкыр зур форматта үткәрелде”, - диде Галимҗан Галимов.
“Һәр эшнең үзенең яхшы ягы була, оештырганда күп кеше белән танышасың, үзеңә күнекмәләр аласың”, - ди куратор.
Быел волонтер вазыйфасын башкарган Рания Талибуллина Татарстанның биш районына мәгълүмат җиткереп торганын сөйләде. “Сарман, Балык Бистәсе, Тәтеш, Питрәч, Спас районнарына көне-төне оештыру эшләрендә ярдәм итәргә тырыштым. Монда тиз булу кирәк иде”, - диде ул.