Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Гаиләләрнең 90 проценттан артыгы ана капиталын торакны яхшыртуга тота
2019 елның алты аенда Россия Пенсия фондының Татарстан бүлекчәсе ана капиталына 10 меңнән артык дәүләт сертификаты тапшырган.
(Казан, 8 август, “Татар-информ”, Вероника Ваганова). Агымдагы елның алты аенда Татарстан Пенсия фонды ана капиталына 10 меңнән артык сертификат биргән һәм акчаларны куллану өчен 13 мең гаризаны хуплаган. Аларның күпчелеге ана капиталын торакны яхшырту өчен сарыф итә. Бу хакта “Татар-информ”да узган матбугат конференциясендә Татарстан Пенсия фондының социаль түләүләр бүлеге җитәкчесе Гөлсинә Сабирова сөйләде.
“Ана капиталын куллану өчен кабул ителгән гаризаларның күбесе торак шартларын яхшырту өчен язылган. Алар гомуми күләмнең 90 процентын алып тора”, - диде спикер.
Ул март аенда торак шартларын яхшырту өчен акча бирү механизмын камилләштерүгә юнәлдерелгән яңа закон кабул ителүен искә төшерде. Иң мөһим үзгәреш ана капиталы акчасына сатып алына торган торакларның торышын контрольдә тотуны көчәйтү буенча булган.
“Торак йортларның яшәргә яраклы булуын ачыклау өчен Пенсия фондының вәкаләтләре билгеләнде. Шул рәвешле, әгәр торак яшәргә яраксыз, авария хәлендә, сүтелергә тиеш дип табыла икән, бу гаризаны хуплаудан баш тарту өчен законлы нигез булып тора”, - диде Гөлсинә Сабирова.
Кызыклы яңалыкларны күзәтеп бару өчен Телеграм-каналга язылыгыз