Гадәттән тыш хәлләр министрлыгы Сарман районында трасса участогы ишелү сәбәбен атады
Скопировать ссылку
Сарман — Яр Чаллы трассасының 41 нче чакрымындагы участок ишелү сәбәбен Россия Гадәттән тыш хәлләр министрлыгының ТР буенча Баш идарәсендә атадылар. Ведомство мәгълүматлары буенча, юл өслегенең ишелүе суүткәргеч торбаның юылуы нәтиҗәсендә килеп чыккан.
«Зыян күрүчеләр юк», – диелә Россия Гадәттән тыш хәлләр министрлыгының ТР буенча Баш идарәсе хәбәрендә.
Исегезгә төшерәбез, трасса буенча хәрәкәт тулысынча ябылган, автомобильчеләргә Петровск заводы һәм Ләке авыл җирлекләре аша оештырылган урау маршруттан файдаланырга киңәш итәләр. Ситуация Сарман районы башлыгы Фәрит Хөснуллин контролендә.