Хәвеф-хәтәр 23 октябрь 2016 16:31

Гадәттән тыш хәлләр министрлыгы Рязаньдагы шартлаудан соң газ хезмәте торышын тикшерәчәк

Шулай ук ул төбәк хакимиятләренә халык белән кисәтү эшләре алып барырга кирәклеген җиткергән.

Скопировать ссылку

(Казан, 23 октябрь, «Татар-информ»). Россиянең гадәттән тыш хәлләр министры Владимир Пучков төбәк башлыкларына барлык газ хезмәте торышын тикшерергә тәкъдим иткән. Тикшерүләр Рязаньдагы кебек шартлаулар булдыруга юл куймаска тиеш. Шулай ук ул төбәк хакимиятләренә халык белән кисәтү эшләре алып барырга кирәклеген җиткергән, дип хәбәр итә "РИА Новости".

Газ плитәләрен куллануда, җылыткычлар һәм башка электр җиһазлары белән эш иткәндә гражданнар куркынычсызлык кагыйдәләрен үтәргә тиеш. Бу хакта искә төшереп һәм искәртеп торырга кирәк, дип җиткергән ул.

Министр бүген Рязаньда булган хәл буенча гына түгел, ә Төмән өлкәсендә булганын да искә төшереп, шушындый хәлләр кабатланмасын өчен тырышып эшләргә кирәклеген таләп иткән.

Исегезгә төшерәбез: кичә төнлә Рязаньда торак йортта шартлау булды. Анда өч кеше һәлак булды, тагын 15 е зыян күрде.

#шартлау #Рязань

Сәхифәләр

Гадәттән тыш хәлләр министрлыгы Рязаньдагы шартлаудан соң газ хезмәте торышын тикшерәчәк