Гадәттән тыш хәлләр министрлыгы: Казанда 87 мең кеше утсыз калган
Россия Гадәттән тыш хәлләр министрлыгының Татарстан буенча Баш идарәсенең беренчел мәгълүматлары буенча, башкалада җиде микрорайон утсыз калган.
(Казан, 15 гыйнвар, “Татар-информ”). Казанда 87 мең кеше утсыз калган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
16 сәгать 40 минутта Кризислы очраклар идарәсе үзәге оператив кизү торучысына Казанның Идел буе районында электр белән тәэмин ителешнең бетүе турында хәбәр кергән.
Беренчел мәгълүматлар буенча, Казанда җиде микрорайон, ә бу исә 87 мең кеше һәм 56 социаль-әһәмияткә ия объект, утсыз калган.
Ут өзелүнең сәбәпләре ачыклана.
