Габдулла Тукай әдәби музеенда «Ишеттем мин кичә…» дип исемләнгән концерт-лекция узды
Габдулла Тукай әдәби музеенда «Ишеттем мин кичә…» дип исемләнгән концерт-лекция булган. Бу хакта музейның телеграм-каналында хәбәр ителә.
Россиянең атказанган, Башкортстанның һәм Татарстанның халык артисты, Башкортстанның Салават Юлаев, Татарстанның Габдулла Тукай исемендәге дәүләт премияләре лауреаты, профессор, сәнгать фәннәре кандидаты Идрис Газиев Габдулла Тукайның кечкенәдән халык иҗатына, халык җырларына булган мөнәсәбәте турында сөйләгән.
Лектор Габдулла Тукай яраткан җырлар турында мәгълүмат биргән. Катнашучылар очрашу барышында җырчы-лектор башкаруында шул җырларны, шагыйрь сүзләренә яңгыраган халык җырларын һәм татар композиторларының әсәрләрен ишетә алган.