news_header_top_970_100
news_header_bot_970_100

^“Габделхак хәзрәтнең нияте гел изгелектә иде...”

^“Габделхак хәзрәтнең нияте гел изгелектә иде...”

(Казан, 2 март, “Татар-информ”, Рәсилә Кәримова). Бүген Татарстан җөмһүрияте мөселманнарының Диния нәзарәтендә дин эшлеклесе Габделхак Каюмовны искә алу кичәсе булды (әгәр исән булса, аңа бүген 85 яшь тулган булыр иде). Әлеге чарага Габделхак хәзрәтнең тормыш иптәше Наҗия апа һәм күп санлы укучылары җыелган иде. Кичә аның рухына дога кылып башланып китте.

Иң кыен заманнарда, ягъни дин иреге кысылган совет чорында Габделхак хәзрәт Ислам нигезләрен тарату белән шөгыльләнгән һәм шушы эшкә ул үзенең укучыларын да өндәгән. “Габделхак абый үзенең эчкерсезлеге, киң күңеллелеге һәм ярдәмчеллеге белән аерылып тора иде. Аның нияте гел изгелектә булды һәм шуны ул безгә - укучыларына да тапшыра алды”, - диде укучыларының берсе – бүгенге көндә Татарстан мөселманнарының баш мөхтәсибе Җәлил хәзрәт Фазлыев.

Г.Каюмов Ислам нигезләрен Казанда гына түгел, ә республиканың Арча һәм Кукмара районнарында да оештырган. Аның укучыларының кайберләре бүген үзләре дә дин сабаклары укыталар, ягъни укытучыларының изге гамәлен дәвам итәләр. Ә аның дәвамчылары меңнәр белән исәпләнә.

news_right_column_1_240_400
news_right_column_2_240_400
Медиаметрикс
news_bot_970_100