Мәдәният 18 октябрь 2017 10:08

Гүзәл Яхина Уфага “Зөләйха күзләрен ача” спектакле премьерасына килә алмый

Айрат Абушахманов куелышындагы спектакль М.Гафури исемендәге Башкорт драма театрының 98нче сезонында беренче премьера була.

Скопировать ссылку

(Казан, 18 октябрь, "Татар-информ"). “Зөләйха күзләрен ача” романы авторы Уфага китабы нигезендә куелган спектакль премьерасына килә алмый. Бу хакта “Башинформ” агентлыгы яза.

Искәртеп үтик, Фәрит Бикчәнтәев укучысы булган Айрат Абушахманов куелышындагы спектакль премьерасы 24 – 25 ноябрь көннәрендә була.

“Кызганыч, килә алмыйм. Баштан премьера 17 ноябрьгә планлаштырылган иде һәм мин Уфадагы китап укучыларым белән бу көннәрдә очрашулар билгеләгән идем. Соңрак премьераны күчерделәр һәм, ноябрь ахырында бер айга Европага китү сәбәпле, Уфага килергә өлгерә алмыйм”, — дип хәбәр иткән Гүзәл Яхина “Башинформ” агентлыгына.

Уфа интернет-порталы хәбәр итүенчә, “Зөләйха күзләрен ача” спектакле М. Гафури исемендәге Башкорт драма театрының 98нче сезонында беренче премьера була.

Инсценировка авторы – Ярослава Пулинович.

Спектакльдә төп герой тормышы аша Россия язмышы, бөтен ил фаҗигасе ачып биреләчәк.

#Гүзәл Яхина

Сәхифәләр

Гүзәл Яхина Уфага “Зөләйха күзләрен ача” спектакле премьерасына килә алмый