news_header_top_970_100
news_header_bot_970_100

Г.Камал театрының Мәскәүдә гастрольләре башланды

Гастрольләр “Зәңгәр шәл” белән ачылды, бүген — "Сөясеңме, сөймисеңме...”

 (Казан, 15 гыйнвар, “Татар-информ”). Кичә Россия Дәүләт академия Кече театры филиалы сәхнәсендә Г. Камал исемендәге Татар дәүләт академия театрының Мәскәүдәге гастрольләре башланып китте. Тамашачыларга алар К. Тинчуринның “Зәңгәр шәл” спектаклен тәкъдим итте. Гастрольләр ачылышында РФ Дәүләт Думасы, Мәскәү мэриясе һәм Россия Кече театры вәкилләре дә катнашты.

Шулай ук, кичә Мәскәү гастрольләрендә камаллылар, традиция буенча, ТРның РФдагы Тулы вәкаләтле вәкиллеге хезмәткәрләре белән очраштылар, дип хәбәр итә театрның матбугат хезмәте.

Искәртеп үтәбез: Г. Камал театрының Мәскәүдәге гастрольләре 21 гыйнварга кадәр дәвам итәчәк. Камаллылар башкала тамашачысына 8 спектакль алып. Аларның күбесен мәскәүлеләр беренче тапкыр караячак.

Бүген тамашачыларга Ф.Бүләковның “Сөясеңме, сөймисеңме...” спектакле тәкъдим ителә.

news_right_column_1_240_400
news_right_column_2_240_400
Медиаметрикс
news_bot_970_100