Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Г. Камал театры Хельсинкида татарлар каршында чыгыш ясый
Соңгы тапкыр камаллылар Финляндиядә 2008 елда булган
(Казан, 3 декабрь, “Татар-информ”). 5 декабрь көнне Г. Камал исемендәге Татар дәүләт академия театры Финляндиянең Хельсинки шәһәрендәге Татар-төрек диаспорасы үзәгендә И. Зәйниевнең “Бабайлар чуагы” спектаклен күрсәтә.
Камаллыларның Финляндиягә беренче генә баруы түгел, 90 нчы еллардан башлап алар анда 4 тапкыр чыгыш ясарга өлгергән. Соңгы тапкыр театр 2008 елда З. Хәкимнең “Телсез күке” спектаклен күрсәткән. Бу баруларында исә Г. Камал театрының кабатланмас артистлары: Наилә Гәрәева, Равил Шәрәфиев, Ринат Таҗетдинов, Ирек Баһманов, Әзһәр Шакиров, Венера Шакирова, Эмиль Талипов, Нәфисә Хәйруллина катанашуындагы “Бабайлар чуагы” лирик комедиясе тамашачыларга тәкъдим ителә.
6 сы көнне камаллылар Финляндиядәге татар диаспорасы белән очрашу уздырырга ниятли. Анда алар милли биюләр һәм җырлардан торган махсус әзерләнгән концерт күрсәтәчәк. Труппа Казанга 9 декабрьдә әйләнеп кайта, дип хәбәр итә театрның матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз