Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Футбол буенча дөнья чемпионаты матчлары узачак шәһәрләргә авиабилет бәяләре тикшерелә
Росавицация чемпионат чорында авиакомпанияләргә билетларны нигезсез арттырырга юл куймаячак.
(Казан, 10 март, “Татар-информ”). Бүгеннән Росавиация 2018 елда футбол буенча Дөнья чемпионаты матчлары узачак шәһәрләргә авиабилетларның бәяләрен тикшереп тора башлады. Бу эшнең максаты - билет бәяләренең тәртипсез үсешенә юл куймау, дип хәбәр ителә ведомство сайтында.
Әгәр Росавиация тарифларны нигезсез аттыру фактын ачыкласа, бу хактагы мәгълүматны Монополиягә каршы федераль хезмәт, Роспотребнадзор, Ространснадзор, Россия Генераль прокуратурасына хәбәр итәчәк. Алар, беренче чиратта, кисәтү, штраф (һ.б.) кебек чаралар күрәчәк.
Чемпионат 14 июньнән 15 июльгә кадәр Россиянең 11 шәһәрендәге 12 стадионда узачак. Дөньяның иң яхшы 32 командасы 15 июльгә билгеләнгән финалда Мәскәүнең "Лужники" стадионында уйнау өчен көч сынашачак. Казандагы матчлар 16 июньдә, 20 июньдә, 24 июньдә, 27 июньдә һәм 30 июньдә үтәчәге билгеле.
Кызыклы яңалыкларны күзәтеп бару өчен Телеграм-каналга язылыгыз