Хәвеф-хәтәр 24 февраль 2010 14:23

“Фрейтлайнер” 9 йөк машинасына яннан бәрелгән

Республикада транспорт һәлакәтләрендә үлүчеләр саны 23кә җитте

Скопировать ссылку

(Казан, 24 февраль, “Татар-информ”). 22 февраль көнне 15.10 сәгатьтә Сафоново – Помары юлының 5 нче чакрымында “ВАЗ-2112” машинасы белән идарә иткән 1990 елгы кеше, алдан чыгарылган нәтиҗә буенча, хәрәкәт куркынычсызлыгын тәэмин итәрлек тизлекне арттырган һәм каршы як юл хәрәкәте тасмасына чыгып, руленда 1979 елгы зат булган “DAF” автомобиленә бәрелгән. “Уникеле” рулендәге кеше Яшел Үзән район үзәк хастаханәсенә озатылган, аның 1990 һәм 1991 елгы пассажирлары һәлакәт урынында җан биргән.

Аннан алдарак, 22се көнне 16.40 сәгатьтә Мәскәү – Чиләбе юлының 1271 нче чакрымында, Баулы турысында, “Фрейтлайнер” машинасы белән идарә иткән 1954 елгы кеше, шулай ук тизлеген арттырып һәм юлдагы метеорологик халәтне исәпкә алмастан, машина белән идарәсен югалткан. Нәтиҗәдә, каршы як юл хәрәкәтенә чыккан һәм 9 йөк машинасына (2 “Скания”, “MAN”, “Вольво”, “Мерседес”, “Петербилт”, ЗИЛ”, “КАМАЗ”, “МАЗ”) яннан кырылып-бәрелеп барган. Һәлакәттә имгәнеп-җәрәхәтләнеп, “Фрейтлайнер” машинасындагы кеше Баулы район үзәк хастаханәсендә үлеп киткән, 1977 елгы пассажиры әле хастаханәдә, дип хәбәр итә республика ЮХИДИ идарәсе.

Февральның 23 көнендә республика юлларында транспорт һәлакәтләрендә үлүчеләр саны 23кә җитте, имгәнүчеләр-җәрәхәтләнүчеләр – 346.

Сәхифәләр

“Фрейтлайнер” 9 йөк машинасына яннан бәрелгән