news_header_top_970_100
news_header_bot_970_100

Француз фотографы Реми Кервейанның күргәзмәсе Казанда Әмир Мәҗитов музеенда ачыла

“Моря Реми” – күргәзмәнең темасы шундый

 (Казан, 28 сентябрь, “Татар-информ”). Француз фотографы Реми Кервейанның “Моря Реми” дигән фотокүргәзмәсе 1 октябрьдән Казанда Әмир Мәҗитов музеенда эшли башлый. Автор эшләрен Россиядә моңа кадәр Чабаксар, Йошкар-Ола һәм башка шәһәрләрдә оештырылган күргәзмәләрдә тәкъдим иткән. Реми Кервейан Россия буенча сәяхәт итәргә ярата, ул Казан каласын да читләтеп үтмәгән.

Казандагы “Моря Реми” күргәзмәсендә Испания, Франция һәм Португалиядә төшерелгән диңгез тематикасына багышланган 35 фотография тәкъдим ителәчәк.

Күргәзмә фоторәссамның талантын һәрьяклап ачып бирә. Аның романтик нәфис пейзажы, ул төсле булсынмы, яки ак-карамы, үзенең гадилеге һәм үтә күренмәлеге белән игътибарны җәлеп итә. Автор дөньяга хозурланган рәссам күзлегеннән карый. Ул комда, болытларда, дулкыннарда, көймәдә – һәр нәрсәдә матурлык таба.

Казан шәһәре Башкарма комитетының Мәдәният идарәсе мэрия сайты аша хәбәр иткәнчә, күргәзмә октябрь буе эшли. Анда керү – бушлай.

news_right_column_1_240_400
news_right_column_2_240_400
Медиаметрикс
news_bot_970_100