Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Франциядә круиз лайнерында вирус таралу сәбәпле, 1,7 мең кешене изоляцияләгәннәр
Франциядәге Бордо шәһәренә килеп туктаган Ambition круиз лайнерында якынча 1,7 мең кешене изоляцияләгәннәр. Бу хакта карар лайнер бортында бер ир-ат үлү сәбәпле кабул ителгән. Пассажир норовирус китереп чыгарган гастроэнтерит инфекциясе аркасында үлгән, дип хәбәр итә ТАСС. Бортта тагын 50 кеше авырый башлаган.
Лайнерга медицина бригадасы килгән һәм анализлар алган. Анализ нәтиҗәләре билгеле булганчы, пассажирларга һәм экипаж әгъзаларына суднодан чыгу тыела.
Җирле матбугат чаралары версиясенә караганда, бу очрак хантавирус белән бәйле түгел. Лайнерда гастроэнтерит инфекциясе таралган булырга мөмкин.
Моңарчы Франциядә хантавирус йоктыруның беренче очрагы теркәлде. Чир MV Hondius круиз судносыннан эвакуацияләнгән хатын-кызда табылды. Суднода хантавирус барлыгы 11 кешедә ачыкланды, өч пассажир үлде.
Экспертлар мәгълүматларына караганда, хантавирус йоктыручылар арасында үлем очраклары 40 процентка җитә.
Кызыклы яңалыкларны күзәтеп бару өчен Телеграм-каналга язылыгыз