Журналист Альберт Тәхавиев вафат
Альберт Тәхавиевка 68 яшь иде.
(Казан, 21 апрель, «Татар-информ»). Журналист Альберт Тәхавиев вафат. Хәбәрне журналистның кызы раслады. Альберт Тәхавиевка 68 яшь иде.
«Әтигә үткән атна азагында инсульт булды. Хастаханәдә иде. Хәле дә яхшыра башлаган иде кебек. Кичә сөйләшә башлаганын әйткәннәр иде. Әмма бүген иртә белән хастаханәдә вафат булганлыгын хәбәр иттеләр», — диде кызы.
Альберт Тәхавиев Дәрвишләр бистәсендәге зиратка җирләнәчәк.
Аның пенсиягә кадәрге соңгы эш урыны «Татар иле» редакциясе иде.