Фото: Азинода янгын чыккан йорттан 10 кешене чыгарганнар
Казанда күпкатлы йортның бишенче катындагы фатир янган.
Скопировать ссылку
(Казан, 15 гыйнвар, “Татар-информ”). Янгын сүндерүчеләр Азинода янгын чыккан күпкатлы йорттан 10 кешене чыгарган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Хәбәр Казан шәһәре 112 экстрен хезмәте номерына бүген 14 сәгать 49 минутта килгән. Урынга 7 һәм 10нчы янгын-сүндерү часте чыккан.
Төтен күрше фатирларга үтеп керә башлаган. Яна торган йорттан газдан саклану хезмәткәрләре 10 кешене чыгарган. Янгын 15 сәгать 07 минутта сүндерелгән.
