Сәясәт 15 март 2024 21:19

«Форпост» башлыгы: Әгәр син үз илеңнең патриоты икән, килеп тавыш бирергә бурычлы

Скопировать ссылку

Бүген Россия Федерациясе Президентын сайлау старт алды. Татарстанлылар беренче көнне үк актив тавыш бирә башлады. Сайлау турында фикере белән социаль челтәрләрдә «Форпост» башлыгы Тимур Камалетдинов уртаклашты.

«Россиядә 2024 елгы Президент сайлаулары. Безнең киләчәкне сайлау, илебезнең бөтен дошманнары, яшермичә, Россияне юкка чыгарырга өндәгән беренче сайлаулар. Мин үз тавышымны күптән бирдем, аны бөтен кеше белә. Шул сайлаган юлыма тугры булып калам. Ләкин иң мөһиме, мин, төрле карашларга карамастан, әгәр син үз илеңнең патриоты икән, килеп тавыш бирергә бурычлы дип саныйм. Сайлау комиссияләре эшенә комачауламаска. Чит илләрдә качып яткан «оппозиция» лидерлары өндәгән акылсызлыкларны оештырып ятмаска, ә килеп тавыш бирергә», – дип язган ул социаль челтәрдәге аккаунтында.

#Россия Президентын сайлау

Сәхифәләр

«Форпост» башлыгы: Әгәр син үз илеңнең патриоты икән, килеп тавыш бирергә бурычлы