For mother Russia командасы Казанда Counter-Strike 2 буенча «Медиакубок» турнирында җиңде
«Татмедиа» АҖ исеменнән чыгыш ясаган For mother Russia командасы Counter-Strike 2 буенча «Медиакубок» турнирында 13:7 исәбенә җиңде. Искәртеп узабыз, бу гаммәви мәгълүмат чаралары һәм матбугат хезмәтләре арасында беренче киберспорт турниры иде. Ярышларның нәтиҗәләре турында мәгълүмат рәсми сайтта урнаштырылган.
Турнир 6 декабрьдә Бәшир Рәмиев исемендәге IT-паркның Киберпарк арена мәйданчыгында узды. Анда 8 команда катнашырга теләк белдергән, алар арасында «Татар-информ» мәгълүмат агентлыгының - бер һәм «Татмедиа» акционерлык җәмгыятенең өч командасы бар иде.
«Татмедиа» АҖ исеменнән чыгыш ясаган SHURALE командасы капитаны Илһам Ибраһимов билгеләп үткәнчә, турнир барлык өметләрне дә аклаган.
«Командалар ярышларга бик җитди әзерләнде һәм чынлап көрәште. Медиа өлкәсендә эшләүче кешеләрнең, бергә җыелып, вакытын файдалы үткәрүе бик яхшы», - дип искәртте спикер.
