Фольклор музыкасы ансамбленең Болгардагы Ак мәчет янында төшергән клибы чыкты (видео)
Клипның сценарий авторы Татарстанның халык артисты Айдар Фәйзрахманов.
Скопировать ссылку
(Казан, 24 сентябрь, “Татар-информ”). Россиянең халык, Татарстанның халык артисты Айдар Фәйзрахманов җитәкчелегендәге Татарстан Республикасы фольклор музыкасы дәүләт ансамбленең "Милли аһәң" инструменталь-хореографик композициясенә нигезләнеп төшергән клибы бүген "Мәйдан" каналында эфирга чыкты. Бу хакта Габдулла Тукай исемендәге Татар дәүләт филармониясе сайты хәбәр итә.
Клипның зур өлеше Болгарда төшерелгән. Сценарий авторы - Айдар Фәйзрахманов, төшерү һәм монтаж режиссерлары - Илдар Әхмәтов һәм Шәфкать Гыймадетдинов.
