Флера Тарханова белән хушлашу Татар дәүләт филармониясе бинасында булачак
Шагыйрә, тәрҗемәче туган ягында - Чистай районы Яуширмә авылында җирләнәчәк.
Скопировать ссылку
(Казан, 1 август, "Татар-информ"). Флера Тарханова белән хушлашу бүген сәгать 10.00да Габдулла Тукай исемендәге Татар дәүләт филармониясе бинасында булачак.
Шагыйрә, тәрҗемәче туган ягында - Чистай районы Яуширмә авылында җирләнәчәк.
- 1947 елның 25 маенда Татарстан АССР Чистай районы Яуширмә авылында укытучылар гаиләсендә, 9 балалы ишле гаиләдә туган. Яуширмә сигезьеллык мәктәбен (1962), Арча педагогия укуханәсен (1966), Казан дәүләт университеты тарих-филология факультетының татар теле һәм әдәбияты бүлеген (1975) тәмамлаган. «Эш кәгазьләрендә һәм рәсми документларда русча терминнарның татарча эквивалентлары» темасына филология фәннәре кандидатлыгына диссертация яклый (2005). Ф.Тарханова — лирик һәм балалар өчен язган шигырьләре, әкиятләре тупланган «Синең кайнар сулышың» (1998), «Уңган кыз» (1998), «Йөрәгемә ишерелгән серләр» (2001), «Серле дөнья» (2002), «Өч каурый» (2003) һәм «Яшьлек эзем калган сукмаклар» (2005) исемле шигъри китаплар авторы.
Флера Тарханова кичә озакка сузылган авырудан соң вафат булган.