Фән һәм мәгариф 17 июнь 2010 18:32

Физикадан БДИны укучыларның 5 проценты тапшыра алмады

Россиянең 40 төбәгеннән 107 кеше 100 балл җыйды

Скопировать ссылку

(Казан, 17 июнь, “Татар-информ”). РФ Мәгариф һәм фән министрлыгына караган Рособрнадзорның махсус комиссиясе физикадан тапшырылган Бердәм дәүләт имтиханы нәтиҗәләре буенча чик баллны билгеләде. Быел ул 34 балл дип табылды.
Укучыларның якынча 5%ы чикне уза алмады. Кирәк булган очракта, әлеге предметтан имтиханны киләсе елда гына тапшырып булачак.
Россиянең 40 төбәгеннән 107 кеше 100 балл җыйды. Рособрнадзор төбәкләрдә югары балл җыйган эшләрне кабат тикшерү турында карар кабул иткән.
Билгеле булганча, физика буенча имтихан нәтиҗәләре аттестат алу-алмауга йогынты ясамый. Яхшы нәтиҗәләр алга таба укуын дәвам итәргә теләүчеләр өчен генә кирәк.

Сәхифәләр

Физикадан БДИны укучыларның 5 проценты тапшыра алмады