Җәмгыять 19 сентябрь 2021 20:06

Физик мөмкинлекләре чикле коляскалы блогер сайлауга үзе килгән

Руслан Галимов сайлауга килгәч инвалидлар өчен «Уңайлы мохит» программасының тиешенчә эшләмәвен билгеләп үткән.

Скопировать ссылку

(Казан, 19 сентябрь,"Татар-информ», «Яңа тормыш», Евита Саможенова). Аяклары авырту сәбәпле коляскада йөрергә мәҗбүр булган блогер Руслан Галимов быел сайлау участогына үзе килгән. Узган сайлауларда ул өйдә тавыш биргән булган. Бу хакта район басмасы хәбәр итә.

«Быел участокка килеп тавыш бирәсе килде. Соңгы араларда өйдән еш чыгып йөри башладым, шәһәрдә уздырыла торган чараларда катнашам, көн әйбәт булганда урамда да йөргәлим. Физик мөмкинлекләре чикләнгән кешеләр өчен шартлар тудырырга тырышалар. Әмма күп нәрсәләрне тиешенчә эшләп бетерәсе дә бар әле», — дигән ул.

Руслан Галимов әйтүенчә, кибетләргә керә торган җирдә пандуслар куелмаган, бордюрлар биек. Кыскасы, җитешсезлекләр аз түгел.

«Яңа җитәкчелектән „Уңайлы мохит“ программасының тиешенчә эшләнеп бетүен көтәм, башкалар ярдәменә мохтаҗ булган кешеләр турында күбрәк кайгыртсыннар иде. Шулай ук физик мөмкинлекләре чикләнгән кешеләр белән аралашу өчен чаралар оештырылуын көтәм, мин аларга бик теләп йөрер идем», — дигән Руслан.

Сәхифәләр

Физик мөмкинлекләре чикле коляскалы блогер сайлауга үзе килгән