Дин 6 июнь 2018 12:45

Финляндия татарлары уздырган ифтарда Мәскәүнең Җәмигъ мәчете имам хатыйбы катнашкан

Мәҗлестә Ислам Зарипов үзе тарафыннан язылган китап белән таныштырган.

Скопировать ссылку

(Казан, 6 июнь, "Татар-информ"). Финляндия татарлары, Мәскәүнең Җәмигъ мәчете имам хатыйбы Ислам Зарипов катнашында, ифтар уздырган. Бу хакта Россия мөфтиләр Шурасы матбугат хезмәте хәбәр итә.

Мәҗлес вакытында Ислам Зарипов тарихчы Марат Сафаров белән берлектә язылган "Әхмәтҗан Мостафин: СССРда ислам тарихыннан" ("Ахметзян Мустафин: из истории ислама в СССР") китабы белән таныштырган. Ислам хәзрәт Әхмәтҗан Мостафинның Финляндия татарлары белән аеруча да ныклы элемтәдә булуына басым ясап, танылган дин әһеленең тормыш юлы, аның тарафыннан тупланылган китапханә хакында сөйләгән.

Презентация вакытында Әхмәтҗан Мостафинның шәхси архивыннан булган фотосурәтләр белән дә танышканнар. "Шул рәвешле күпләр үзләренең якыннары һәм туганнары хыкында күп мәгълүмат белә алды", - диелгән әлеге хәбәрдә.

#ифтар #финляндия татарлары

Сәхифәләр

Финляндия татарлары уздырган ифтарда Мәскәүнең Җәмигъ мәчете имам хатыйбы катнашкан