Финляндия татарлары турындагы «Туңган як: Суоми» фильмы ачык кулланылышка куелды

Скопировать ссылку

Интернетта ачык кулланылышка 2022 елда дөнья күргән «Туңган як: Суоми» фильмының дәвамы урнаштырылган. Бу хакта «Татар-информ»га фильмның авторларының берсе, журналист Рәдиф Кашапов хәбәр итте.

«Ильяс Гафаров һәм Рәдиф Кашапов йөз елдан артык элек Финляндиягә күченгән, ләкин телләрен, диннәрен, гореф-гадәтләрен саклап калган татарларны өйрәнә. Алар моны ничек эшләгән? Финляндия татарларының буыннар арасында конфликт бармы? Катнаш никах проблемасын ничек чишәләр? Татарстанга, Финляндиягә нинди мөнәсәбәттә? Киләчәккә оптимизм белән карыйлармы?» – диелә фильмның тасвирламасында.

Фильм геройлары арасында – футболчы Атик Исмаил, музыкант Дәниз Бәдретдин, Финляндия Ислам җәмгыяте башлыгы Гөлтән Бәдретдин, Финляндиядәге татар мәхәлләсе имамы Рамил хәзрәт Беляев һәм башкалар бар. You Tube хостингына урнаштырылган фильмны русча субтитрлар белән дә карап була.

#Туңган як #Рәдиф Кашапов #Ильяс Гафаров #Финляндия татарлары

Сәхифәләр

Финляндия татарлары турындагы «Туңган як: Суоми» фильмы ачык кулланылышка куелды