Җәмгыять 16 апрель 2024 10:50

Финанс министрлыгы 2024 елда ташламалы һәм IT-ипотека программаларын тәмамлауны хуплады

Скопировать ссылку

Россия Финанс министрлыгы барлык ташламалы ипотека программаларын элегрәк күрсәтелгән срокларда тәмамлау тәкъдимен хуплады. Искәрмә буларак гаилә ипотекасы гына 2030 елга кадәр озайтыла. Бу хакта ведомствоның финанс сәясәте департаменты директоры Алексей Яковлевка сылтама белән «Известия» хәбәр итә.

IT-ипотеканың гамәлдә булуы 2024 ел белән чикләнә, ә яңа төзелешләргә 8 процентлы кредитлар – бу елның июнендә туктала.

Министрлык вәкиле аңлатканча, хәзерге вакытта беренчел базарда ипотекаларның 90 прорценттан артыгы ташламалы шартлар буенча рәсмиләштерелә. Киләчәктә аларны 25 процентка кадәр киметергә планлаштыралар.

«Ипотека – ул шартларны монда һәм хәзер билгеләүче, әмма озак вакытлы бурычлары булган корал, шуңа күрә аның белән эшләгәндә сак булырга кирәк», – дип билгеләде эксперт.

Искәртик, гаилә ипотекасын 2030 елга кадәр озайтырга Россия Президенты Владимир Путин Федераль Җыенга юлламасында кушты.

Сәхифәләр

Финанс министрлыгы 2024 елда ташламалы һәм IT-ипотека программаларын тәмамлауны хуплады