Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
“Филармониада” VII Халыкара фестивалендә төрки телле халыклар концерты була
Чарада ТӨРКСОЙ оешмасы җитәкчесе катнашуы да көтелә
(Казан, 12 декабрь, “Татар-информ”). Иртәгә Г. Тукай исемендәге Татар дәүләт филармониясе концертлар залында, “Филармониада” VII Халыкара фестивале кысаларында, төрки телле дәүләтләрнең сәнгать әһелләре концерты була. Чара “Казан — Төрки дөнья башкаласы 2014” кысаларында уздырыла.
Иртәгә булачак концертта Башкортстан, Кырым, Санкт-Петербург, Саха-Якутия, Тыва, Үзбәкстан, Казакъстан, Әзербайҗан, Төркия төбәкләреннән артистлар катнашуы көтелә. Шулай ук бу кичне Татарстан артистларын һәм ТР фольклор музыкасы дәүләт ансамбле чыгышын карарга мөмкин була.
ТӨРКСОЙ оешмасы белән берлектә гамәлгә куелган әлеге проект төрле илләрдә яшәүче халыкларның классик музыкасын берләштерү, традицион һәм заманча сәнгатьнең үзенчәлекле синтезына мисал булып тора, дип яза филармониянең матбугат хезмәте.
Чарада ТӨРКСОЙ оешмасы генераль секретаре Дюсен Касеинов һәм ТР мәдәният министры Айрат Сибагатуллинның да катнашуы көтелә.
Искәртеп узабыз: “Филармониада” VII Халыкара фестивале 5 декабрь көнне башланып киткән иде. Аның ябылу тантанасы 14 декабрьгә билгеләнгән.
Кызыклы яңалыкларны күзәтеп бару өчен Телеграм-каналга язылыгыз