Мәдәният 2 октябрь 2009 11:11

Филүс Каһиров туган ягында җыр-моң өләшә

Әле Филүснең концертлары аның туган районы Бүздәктә, үзе музыкаль белем алган Октябрьский шәһәрендә һәм күршедәге Туймазы шәһәрендә дәвам итә

Скопировать ссылку

(Уфа, 2 октябрь, “Татар-информ”, Фәнис Фәтхуллин). Яшь кенә булса да, бар татар дөньясын шаулатырга өлгергән, үзе турында сокланып сөйләргә мәҗбүр иткән зур талант иясе Филүс Каһиров Башкортстанга кайтып иҗат сәфәрен башлады.
Бу аның туган ягы Башкортстанга беренче зур иҗат сәфәре. Беренче концертын Башкортстан дәүләт филармониясендә бирде Филүс. Мең кеше сыйдырышлы зал шыгрым тулы иде. Тамашачылар Филүснең көчле һәм моңлы тавышына “аһ” итте, һәр җырын озак алкышларга күмде. “Халкыбызга яңа Илһам Шакиров килде” диештеләр залда утыручылар.
Әле Филүснең концертлары аның туган районы Бүздәктә, үзе музыкаль белем алган Октябрьский шәһәрендә һәм күршедәге Туймазы шәһәрендә дәвам итә.
Үзенең туган ягына, туган татар халкына, Октябрьскидагы беренче музыка укытучыларына тирән рәхмәт сәфәре буларак кабул ителә әлеге гастрольләре Филүс Каһировның. Алда милләтебезнең яшь сандугачын тагын да күбрәк гастрольләр һәм яңа үрләр көтә.

Сәхифәләр

Филүс Каһиров туган ягында җыр-моң өләшә