Фигуралы шуу остасы Алинә Заһитова Россия чемпионатында беренче урынны алган
Саранскида фигуралы шуу буенча Россия чемпионаты уза.
Скопировать ссылку
(Казан, 21 декабрь, «Татар-информ»). 2018 елгы Олимпия чемпионы, Европа чемпионы, тимераякта фигуралы шуу остасы Алинә Заһитова Саранскида узган Россия чемпионатында, кыска программа башкарып, беренче урын алган.
Спортчы 80,62 балл җыйган. Икенче урында Александра Трусова (74,96), өченче — Алёна Косторная белән Станислава Константинова (74,40).
Пхенчханда узган Олимпиадада көмеш медаль иясе, ике тапкыр дөнья чемпионы Евгения Медведева 62,24 балл җыйган һәм 14 урынны алган.
22 декабрьдә фигуралы шуучылар ирекле программа тәкъдим итәчәк.