Җәмгыять 11 февраль 2026 12:26

Февраль башыннан 12 мең татарстанлы грипп һәм ОРВИ белән авырган

Скопировать ссылку

Татарстанда ОРВИ һәм грипп сезоны дәвам итә. Февральнең беренче атнасында 12 146 кеше авырган. Бу хакта Роспотребнадзорның ТР буенча идарәсе матбугат хезмәте хәбәр итә.

Соңгы дүрт атна эчендә башка инфекцияләр арасында грипп өлеше кимегән. Алтынчы атнада грипп респиратор вирусларның өчтән берен генә тәшкил итә (34 процент).

Ведомствода профилактика чаралары турында искә төшерделәр. Респиратор инфекцияләр белән авырмас өчен түбәндәге кагыйдәләрне үтәргә киңәш ителә:

кулларны даими рәвештә сабын белән юарга яки аларны антисептик белән эшкәртергә, бигрәк тә җәмәгать урыннарында булганнан соң;
йөткергәндә һәм төчкергәндә бер тапкыр кулланыла торган кәгазь яулык кулланырга;
кеше күп булган урыннарда битлекләр киеп йөрергә, аларны һәр ике-өч сәгать саен алыштырырга;
биналарны көнгә берничә тапкыр җилләтергә;
дезинфекцияле дымлы җыештыру үткәрергә;
биналарда оптималь температураны сакларга (+18°С - +22°С);
салкыннан сакланырга һәм һава торышына карап киенергә;
авыру симптомнары барлыкка килгәндә өйдә калырга һәм табиб чакыртырга.

Сәхифәләр

Февраль башыннан 12 мең татарстанлы грипп һәм ОРВИ белән авырган