Сәясәт 26 февраль 2020 11:44

Федерация Советы кече сыйныф укучыларын бушлай ашату турындагы законны хуплады

Инициативаны гамәлгә ашыру өчен төбәкләр субсидияләр алачак, ә процессны этаплап җайга салу чараларына өч елга якын вакыт бирелә.

Скопировать ссылку

(Казан, 26 февраль , «Татар-информ»). Федерация Советы кече сыйныф укучыларын бушлай кайнар ризык белән тәэмин итү турындагы законны хуплады. Бу хакта РИА Новости хәбәр итә.

Балаларны тукландыру шартларын яхшырту идеясен беренче тапкыр узган елның апрелендә Дмитрий Медведев җиткерде. Инициативаны гамәлгә ашыру өчен эшче төркем булдырылды.

Закон проектын Дәүләт Думасына сентябрьдә керттеләр, аның авторлары - ике палата спикерлары Валентина Матвиенко һәм Вячеслав Володин, шулай ук барлык парламент фракцияләре лидерлары. Документ «сәламәт туклану» төшенчәсен кертте, аның принциплары һәм үзенчәлекләре белән таныштырды.

2020 елның гыйнварында Федераль Җыенга юлламасында Владимир Путин барлык башлангыч сыйныф укучыларын бушлай кайнар ризык белән тәэмин итәчәкләр, дип белдерде. Дәүләт Думасының Мәгариф һәм фән комитеты 6 февральдә дәүләт башлыгы төзәтмәләрен исәпкә алып, закон проектының яңа редакциясен раслады.

Узган атнада документны Дәүләт Думасы хуплады. Володин искәрткәнчә, закон проекты балаларның сәламәтлеген ныгытуга юнәлдерелгән.

#мәктәп ашханәсе

Сәхифәләр

Федерация Советы кече сыйныф укучыларын бушлай ашату турындагы законны хуплады