Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Федераль Куркынычсызлык хезмәтенең махсус операциясе: Татарстанда “Хизб-ут тахрир Әл-Ислами” оешмасының 8 лидеры тоткарланган
Тоткарланучыларның бер өлеше берничә тапкыр хөкем ителгән булган
(Казан, 14 октябрь, «Татар-информ»). Бүген Россия Куркынычсызлык хезмәтенең Татарстан Республикасы буенча идарәсе ТР буенча Эчке эшләр министрлыгы белән бергә махсус операция үткәрде.
“Хизб-ут тахрир Әл-Ислами” халыкара террорчылык оешмасының төбәк тармагы эшчәнлеген ачыклау буенча махсус операция нәтиҗәсендә, республика структурасының 8 лидеры тоткарланган. 20 адрес буенча үткәрелгән тентүләр барышында бу оешманың күпсанлы пропагандалау материаллары табып алынган.
РФ Куркынычсызлык хезмәте ТР буенча идарәсенең тикшерү бүлеге тарафыннан РФ ҖК ның 205.5 маддәсе (“Террорчылык оешмасы эшчәнлеген оештыру һәм шундый оешма эшчәнлегендә катнашу”) буенча җинаять эше кузгатылган. Бу маддә буенча 10 елга иректән мәхрүм итү каралган.
Тоткарланучыларның бер өлеше “Хизб-ут тахрир Әл-Ислами” эшчәнлеген оештырган өчен берничә тапкыр хөкем ителгән булган.
“Хизб-ут тахрир Әл-Ислами” оешмасы әгъзалары мөселманнарга каршы котыртуда, шул исәптән аларны Сүрия, Мисыр, Үзбәкстан, Кыргызстан һ.б. илләрдә дәүләтнең кискен борылышларына җәлеп итәргә омтылуда актив катнашканнар, дип белдерделәр “Татар-информ” МА на РФ Куркынычсызлык хезмәтенең ТР буенча идарәсендә.
Кызыклы яңалыкларны күзәтеп бару өчен Телеграм-каналга язылыгыз