Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Федераль бюджеттан Татарстанга импортны алыштыру өчен өстәмә рәвештә 2,5 млрд сум бирелә
Татарстан импортны алыштыру тармагындагы проектларны үстерүгә өстәмә 2,5 млрд сум алырга мөмкин. Бу хакта «Татар-информ»га Россия Дәүләт Думасының икътисади сәясәт комитеты рәисе Максим Топилин хәбәр итте.
«Без Сәнәгатьне үстерү фонды аша импортны алыштыру белән бәйле инвестиция проектларына өстәмә рәвештә 2,5 миллиард сум алу өчен Россиянең Сәнәгать һәм сәүдә министрлыгы белән эшлибез. Шулай ук махсус икътисади зоналар, капитал салуларны яклау турындагы законнарга төзәтмәләр әзерлибез. Бу республикада якланачак берничә яңа проектны башлап җибәрүгә мөмкинлек бирәчәк. Бу алга җитди хәрәкәт. Татарстан динамик рәвештә үзгәрә, санкцияләр шартларында республика үсеше өчен яңа мөмкинлекләр барлыкка килә», – диде Топилин.
Парламентарий билгеләп үткәнчә, Татарстанда халыкның тормыш сыйфатын яхшырту өчен күп эш башкарыла. «Республикада күп санлы инфраструктура проектлары гамәлгә ашырыла. Без Казанның һәм Татарстанның башка шәһәрләренең ничек үзгәрүен күрәбез. Региональ атналарда күп санлы районнарга йөргән вакытта, кечкенә бистәләребезнең төзекләнүен күрәм. Ишегалды территорияләрен, иҗтимагый киңлекләрне, спорт мәйданчыкларын үстерү өчен күп нәрсә эшләнә», – дип аңлатты ул.
Кызыклы яңалыкларны күзәтеп бару өчен Телеграм-каналга язылыгыз