Җәмгыять 5 ноябрь 2024 16:44

Федерация Советы укучылар өчен транспортта йөрүгә яңа ташламалар кертергә тәкъдим итте

Скопировать ссылку

Сенатор Наталия Косихина 18 яшькә кадәрге мәктәп укучылары һәм көллият студентлары өчен уку чорында барлык шәһәр яны поездларында йөрүгә ташлама кертү инициативасы белән чыгыш ясады. Бу хакта РИА Новости яза.

«Россиянең барлык төбәкләрендә 18 яшькә кадәрге мәктәп укучылары һәм көллият студентлары өчен уку чорында шәһәр яны электричкаларында тулысынча ташламалы йөрү мөмкинлеге бирү мәсьәләсен карау мөһим дип саныйм», - диде Косихина РИА Новостига.

Сенатор билгеләп үткәнчә, Россиянең барлык субъектларында да «шәһәр яны электричкаларында йөрүгә 50 процент булса да ташлама юк, ә балалар еш кына уку көннәрендә дәресләргә торак пункттан төбәк үзәгенә барып һәм кайтып йөри».

«Көн саен болай барып-кайтып йөрүләр югары хезмәт хакы алмаучы ата-аналарны сайларга мәҗбүр итә: я акчаны экономияләргә (әмма ул очракта балалар дәресләрдән соң теләсә кайда йөриячәк), я түләргә. Балаларыбызның һәрьяклап үсүе (шул исәптән спорт һәм иҗат белән өстәмә шөгыльләнү ярдәмендә) безнең өчен генә түгел, үсеп килүче киләчәк буын өчен дә мөһим. Бу карар гаиләгә акчаларын экономияләргә һәм аларны кирәкле ихтыяҗларга яки бергәләп ял итүгә тотарга мөмкинлек бирәчәк», - дип аңлатты сәясәтче.

Сәхифәләр

Федерация Советы укучылар өчен транспортта йөрүгә яңа ташламалар кертергә тәкъдим итте