Татар әдәбияты 30 май 2023 00:11

Фатих Кәрим. Ант

Скопировать ссылку

Юлбасарлар таптый җиребезне,
Ватан сугышына мин китәм.
Менә – балам. Син әнкәсе аның,
Балабызны тотып ант итәм.

Синең өчен, шушы балам өчен,
Нәселем өчен, Туган ил өчен,
Мылтык тотып баскан җиремнән
Бер адым да артка чигенмәм...

Бәлки, соңгы тапкыр – күрештек,
Кочаклаштык, озак үбештек.
Сизә бала, карый күзләремә:
«Сакла безне!» – ди ул күңеленнән,
Ана күкрәгеннән суырып алган
Сөт тамчысы алсу иренендә.

Шушы балам өчен, синең өчен,
Нәселем өчен, Туган ил өчен,
Мылтык тотып баскан җиремнән
Бер адым да артка чигенмәм.
(1942)

Фатых Карим. Клятва (Перевод Бориса Вайнера)

Родную землю лютый топчет враг.
Священный долг зовёт меня на бой.
Дитя моё, с тобою на руках,
Жена моя, глаза в глаза с тобой

Клянусь: за вас, за Родину мою
Стеною встану жизни на краю,
Не уступлю ни поля, ни ручья –
Не отступлю пред чёрной силой я.

Так трудно нам объятья разомкнуть:
Увидимся ль ещё когда-нибудь?

Глядит малыш, затихнув у груди,
Глядит, как будто молит: «Защити!»,
И с губ его, росинкою с листка,
Упасть готова капля молока…

Клянусь – за вас, за Родину мою
Стеною встану жизни на краю.
Пускай огнём смертельным дышит мрак –
Не отступлю пред тьмою ни на шаг!

Фатих Кәрим (1909-1945) элекке Уфа губернасы Бәләбәй өязендәге (хәзерге Башкортстанның Бишбүләк районы) Ает авылында мулла гаиләсендә туа. Казанда Җир төзү эшләре техникумын тәмамлый. Студент елларыннан иҗат итә башлый. Газета һәм журнал редакцияләрендә эшли. Армия хезмәтеннән кайткач, Татар китап нәшриятының яшьләр-балалар әдәбияты бүлеген җитәкли. 1938 елда «советка каршы коткы таратучы» шикелле нахак гаепләр белән кулга алына. Бөек Ватан сугышы барган көннәрдә – 1941 елның 1 декабрендә иреккә чыгарыла, ләкин үз теләге белән фронтка китәргә тиеш була. 1945 елның 19 февралендә, Көнчыгыш Пруссиядәге соңгы сугышларның берсендә дошман пулясыннан һәлак була. Күмелгән урыны шундагы Туганнар каберлегендә.

#Фатих Кәрим шигырьләре #фатих кәрим #фатых карим #фатих карим

Сәхифәләр

Фатих Кәрим. Ант