Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Фатир һәм җир кишәрлеге хуҗалары салымнарны 1 декабрьгә кадәр түләп бетерергә тиеш
Җир һәм күчемсез милек хуҗалары узган ел өчен салымнарны 1 декабрьгә кадәр түләп бетерергә тиеш. Бу хакта Дәүләт Думасының мөлкәт мәсьәләләре, җир һәм милек мөнәсәбәтләре комитеты башлыгы, Россия Банкының милли финанс советы әгъзасы Сергей Гаврилов искәртте, дип яза РИА Новости.
Җир кишәрлекләре, фатир, йорт, дача, гараж һәм машина урыны өчен түләүләр турында сүз бара. Аның сүзләренчә, Федераль салым хезмәте хәбәрләре салым түләүчеләрнең шәхси кабинетларына, шулай ук Дәүләт хезмәтләре порталына һәм «Налоги ФЛ» кушымтасына килгән инде. Аерым очракларда документлар элеккечә почта аша килә, тик төп канал – электрон вариант.
Депутат аңлатканча, салымнар узган календарь елы өчен билгеләнә. Күпчелек кеше өчен бердәм срок – 1 декабрь, әгәр дата ялга яки бәйрәм көненә туры килә икән, ул автомат рәвештә якындагы эш көненә күчерелә.
Җир салымы кишәрлекнең кадастр бәясе һәм җирле хакимиятләр билгеләгән ставкалар нигезендә санала. Димәк, җир кишәрлеге төрле муниципалитетларга караса, бер үк төрле мәйданда булса да, суммалар төрле була.
Кызыклы яңалыкларны күзәтеп бару өчен Телеграм-каналга язылыгыз