Fashion ифтарда 100 дән артык волонтер эшләячәк
Эшләргә теләгән һәр волонтер кабул ителә.
Скопировать ссылку
Быел Казандагы Fashion ифтарда 100 дән артык волонтер эшләячәк. Modest Covered проекты менеджеры Диана Хәбибуллина бу хакта «Татар-информ» агенлыгында матбугат конференциясендә сөйләде.
«Былтыр 70 кеше булышкан иде, быел 100 дән артык волонтер булыр дип планлаштырыла. Күпләр туганнары белән килә – әниле-кызлы, апалы-сеңелле. Кунаклар рәхәтләнеп ял итсен өчен бик күп кеше хезмәт куя», - диде Диана Хәбибуллина.
Волонтерлар барысы да хатын-кызлар. «Бөтен теләгән кешене кабул итәбез. Сайлап алу буенча чикләүләр юк. Социаль челтәрләрдә безне табып, мөрәҗәгать итсеннәр», – дип җиткерде.