Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәррахов: Мобилизацияләнгән күп балалы ир-атлар гаиләләренә кайтарылачак
Балигъ булмаган өч яки аннан да күбрәк балалары булган һәм 4 октябрьгә кадәр мобилизацияләнгән ир-атлар өйләренә җибәреләчәк. Дәүләт Думасы парламентарийлары мондый һәр очрак буенча контроль алып барачак. Бу хакта «Татар-информ» хәбәрчесе белән әңгәмә барышында Татарстаннан Дәүләт Думасы депутаты Айрат Фәррахов хәбәр итте.
Аның сүзләренчә, бу хакта РФ Саклану министрлыгының рәсми вәкиле Думада узган очрашуда депутатларга сөйләде. Фәррахов искәртеп узганча, РФ Генераль штабы күрсәтмәсе буенча Татарстанда инде 4 октябрьдән соң өч балалы аталарны мобилизация кысаларында чакырмыйлар.
«Бу категориягә кергән һәм 4 октябрьгә кадәр чакырылган гражданнарны кире кайтару турында Саклану министрлыгы карар кабул итәчәк», – дип аңлатты Фәррахов.
Ул бу мәсьәләнең гражданнарны борчыганын белдерде, шуңа күрә бүгенге очрашу вакытында депутатлар Дәүләт Думасы рәисе Вячеслав Володин белән бергә аны хәрби ведомство вәкилләренә җиткергән. «Саклану министрлыгында депутатлардан әлеге мәсьәләне контрольдә тотуларын сорадылар. Миндә әлеге мәсьәлә буенча безнең гражданнардан мөрәҗәгатьләр күп, һәр мөрәҗәгать буенча эшләячәкбез», – диде Фәррахов.
Исегезгә төшерәбез, Россиядә инде 9500 күп балалы аталарны хәрби частьләрдән гаиләләренә кайтарып җибәрүләрен бүген Вячеслав Володин хәбәр итте.
Кызыклы яңалыкларны күзәтеп бару өчен Телеграм-каналга язылыгыз