Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Фәрит Мөхәммәтшин Татарстан Дәүләт Советы Рәисе вазифасына килергә мөмкин варисны атамады
Татарстан Дәүләт Советы Рәисе Фәрит Мөхәммәтшин яңа срокка тәкъдим ителүдән баш тарткан очракта мөмкин булган варисның исемен әйтмәде. Бу сорауны матбугат конференциясендә журналистлар биргән иде.
«Сез мине кем дип уйлыйсыз, бүген үземнең варисны атар дисезме? Ул булган очракта да, мин әйтмәячәкмен», — диде парламент башлыгы матбугат вәкилләренә.
Шул ук вакытта Мөхәммәтшин республикада лаеклы кандидатлар күп булуын билгеләп үтте. «Татарстанда әзерлекле кешеләр күп. Ләкин хәтта әзерлекле кешеләрне дә парламент эше өчен әзерләргә кирәк. Тормыш әзерлек таләп итә. Әгәр дә берәр вазифада булганда әзерләнмичә чыксаң, кешеләр моны шунда ук сизә», – дип ассызыклады ул.
Дәүләт Советы Рәисе шулай ук парламент башлыгы вазифасына тәкъдим ителү турында карарны әле кабул итмәвен белдерде, бу хакта «Татар-информ»га хәбәр итте.
Җиденче чакырылыш Татарстан Дәүләт Советы депутатларын сайлау сентябрьдә булачак. Алдан, март аенда, Россия Президентын сайлаулар узачак.
Кызыклы яңалыкларны күзәтеп бару өчен Телеграм-каналга язылыгыз